Uchaguzi TFF

Kumekuwepo na malamiko kutoka kwa baadhi ya wadau wa mpira wa miguu kuhusu tarehe ya uchaguzi wa viongozi wa Shirikisho la Mpira wa Miguu Tanzania (TFF). Shirikisho linapenda kueleza kuwa suala hilo lilijadiliwa kwa kina kwenye kikao cha Kamati ya Utendaji kilichofanyika Novemba 3, 2012 kwenye ukumbi wa mikutano wa Uwanja wa Taifa. Kikao kilimpa mwenyekiti wa Kamati ya Sheria, Katiba na Hadhi za Wachezaji kwa kushirikiana na Sekretarieti jukumu la kushughulikia suala hilo. Tayari suala hilo limeshashughulikiwa na ufafanuzi wote utatolewa na mwenyekiti wa Kamati ya Sheria, Katiba na Hadhi za Wachezaji katika mkutano na waandishi wa habari siku ya Jumamosi ya Novemba 17, 2012 kuanzia saa 6:00.

Angetile Osiah

Katibu Mkuu TFF